 |
| 香港日記 The Hong Kong Diaries |
講到香港，一定講一國兩制（One country, two systems）。假如有日，中國武力統一台灣，就証據確鑿呢個政治 實驗失敗。除非痴線佬，否則冇理由會捨易取難。要動刀動槍，一定係台灣人睇到香港下場，唔接受一國兩制。所以，一國兩制是否成功，最客觀既標準，一定係睇中國是否武力統一台灣。
行文之際，中美關稅戰開打。一直口口聲聲「一國大於兩制」的人，紛紛搞起「港獨」來。先有特首李家超，指責特朗普「計錯數」，說香港是獨立關稅區，有別於中國，一直都是零關稅。後有愛國商人施永青，呼籲香港不應報復美國，向美國徵收高額關稅。要叫香港作「中國香港」，又或「香港是中國神聖、不可分割的一部份」，一牽涉自身利益，就統統都拋諸腦後。醜態百出。
彭定康這個「千古罪人」，根據香港大學民意調查，支持率都比1997後任何一個特首還要高。原因何在？可惜中共從來不搞民意調查（令港大民意調查唔敢再做就會）否則大可比較一下中共搞的調查，公信力會否較高。
讀《香港日記》，等於從彭定康這個視點，如何看待「一國兩制」與及中共。重新檢視香港之所以變成2025今天的樣子，是在1990年代，埋下了甚麼的種子？是否當年「英國佬」埋下計時炸彈，好待中國接手後引爆？英國佬一直不給民主香港，但1997之後就「慫恿」香港人追求民主？
篇幅關係，留待下次再談。
下一篇：彭定康《香港日記》之我讀（二）
購買連結：