有兩個香港人，我係好佩服的。
當司徒華、泛民帶風向，引領香港人「民主回歸」共產中国時，只有呢兩個人，能夠一以貫之，從來沒有改變立場，公開將共產黨鬧個狗血淋頭。
金庸晚年投共，甚至將明報賣俾于品海，加速左香港新聞界滅亡。係我心目中，黃霑既排名，高過金庸。
黃霑雖然反共立場唔明顯，但佢從來冇奶共，而且佢好重視粵語，都唔會忌諱人地話佢冇文化，冇用語體文書寫，反而保留左當代粵語文化。
倪匡寫既科幻小說，其實都幾垃圾，好多都冇科學根據，但係，佢想像力超豐富，肯定超越同一個時代的其他人，而且，佢睇人性睇得好通透，覺得人類邪惡，外星人反而一啲都唔可怕。好多時，衛斯理、原振俠，都會同中共女特務交手，每一次都會俾倪匡寸佢地係「人型機器」。就算毛澤東、鄧小平都難逃倪匡筆下的審判（通常都姑隱其名，以『老人家』代替之）。
我佩服倪匡。我睇佢既文章，佢既小說成長。佢影響我思考方式，係我既思想啟蒙者。