冇事鬧警察，有事搵警察

上一篇：由洋紫荊到皇冠

淨係由26分39秒睇十秒左右就夠啦（難委我真係睇晒條片）

五毛：「冇事就鬧警察，有事就搵警察。」

這種謬論 /膠論其實2014年就已出現，可惜，不少人仍然未懂反駁這些似是而非的口號，在此我即管解毒一下。

雖然，二百萬示威者，都收了外國勢力錢，仍未有確實証據支持；不過，三萬香港警察，都收了香港庫房錢，卻可在香港財政報告中找到証明。

香港警察，收了香港人錢，基本就只有一個工作目標：「保護香港人的生命及財產。」香港是自由社會（假設你同我一樣，都係自由西），嫌危險，或者不喜歡的，都可以選擇唔撈。

既收得香港人錢，就要做好呢份工，也就係，保護香港人既生命同財產，而唔係同香港人講，驚就唔好出街，或者講自己冇睇表，或者警署落閘唔俾人報案。香港警察呢種所為，根本冇將保護香港人生命財產放在首要位置。

香港警察，糧就識出，事就唔做，當然會被香港市民問候。唔好當香港人盲。醒目那班，早就唔睇接受共產黨統戰的報章及電視台，而選擇在互聯網上，睇冇剪輯的直播。睇過多次遊行衝突，大家都心裡有數，邊一方最齊裝備，邊一方最先傷害人。唔識上網的，落樓下都有連儂牆可讀。氣急敗壞，咪唯有做撕紙狗囉。

宜家即是點？出糧俾你但乜七都唔做，仲要打返老闆轉頭？香港警察，我地唔問侯你問候邊個？作為你地既老闆，我會繼續搵你做野，而你做得唔好，就會繼續鬧七你。三萬幾蚊人工，你班毅進仔以為咁易賺？大學生都係搵緊一萬。唔鍾意當差，唔好撈囉。

試下出街同人講，話你老闆一邊鬧你一邊又叫你做野係錯的，睇下會唔會俾人笑你on9？

香港警察折墮到要同黑社會合作，代自己出頭，仲唔覺得自己樣衰？由冇警員編號、冇委任証開始，香港市民，經已對香港警察失去信心。我唔理一個添馬公園，點樣塞得落十五萬人撐警（可能藍絲瘦過黃絲十五倍掛），但係，白衫人無差別恐怖襲擊元朗站乘客後，身體最誠實，第二天屯門元朗都變死城，所有商鋪都全部落閘唔做生意。呢個，就係民意，就係香港人對警察有幾多信心既表現。

係呀，再咁搞落去，就等於香港警察吹雞，發起全香港罷工罷課罷市。命仔要緊，我緊係趕都唔出街啦！

最後，引用一下路西化效應。唔係因為你生出黎就可以統治我地，而係我將公權力交俾你代勞。但你班友又柒又無撚用，所以我宜家收返你個權。成件事就係咁簡單。