假如你同人講：「我見到一個靚女。」對方可能會問：「有幾靚女先？」
又，假如你同人講：「我見到一個靚仔。」對方可能會問：「有幾靚仔先？」
之後，你可能會用一個明星做例子：「幾似劉華架！」對方就話：「該煨囉！劉江華哨牙架！」你就答：「似劉德華呀！頂你！」對方又話：「靚女似劉德華？不過我唔會歧視你性傾向的……」你就答：「靚仔呀，唔係靚女……」對方終於肯正經：「咁你俾幾多分先？」你答：「85分啦……」
日常生活可能會出現這些對話，其實RPG都一樣。我們稱之為量化，就是將一些很抽象的東西，例如美醜、IQ之類的，轉換成一個客觀的數字。
所以，所謂RPG系統，只不過係將大家日常生活都會做的事，有系統地做一次。例如：戰士（體格15，智慧10）、魔法師（體格8，智慧17）之類。
咁假如，現在有個挑戰，就係要移走眼前一塊大石頭，遊戲主持人覺得此事的難度是18分。你就會諗：「戰士就差3分(18-15)，魔法師就差10分(18-8)。」你估到啦，當然讓戰士去做比較好。
但到底要怎樣做？
延伸閱讀：
角色扮演遊戲
有個與我一同工作的人，我覺得跟他非常難溝通，是以爭拗不絕。我覺得此人很 loose，同樣地此人亦覺得我很 loose。
回覆刪除可能大家都認為對方的值是（表達能力3，理解能力2）。一起工作，真是災難。
RPG都有「交際」計的，用作協調、說服。不過，精靈族同矮人族文化背景各走一端，交際起上黎係有罰分的（減一、兩分左右吧）。所以，隊伍中最好有人類做中間人。好明顯你兩個（如果進入遊戲世界）唔係人類呢～嘻嘻～
刪除